إحنا مين أساسا؟؟

في البداية أحب أعتذر عن طول فترة الغياب اللي فاتت واللي استمرت تقريبا 4 أسابيع وده لظروف خارجة عن الأرادة ولكن الحمدلله وكالعادة راجع بعد غياب ومبضون أكتر من الأول طبعا وعندي كلام كتير وكــــــــــــــبير فحت عاوز أقوله هنا في مدونتي العزيزة

وأحب أستأنف عرضي لبضان مجتمعنا المصري بموضوع كان ومازال شاغل بالي جدا وبصراحة مش هكون ببالغ لو قولت أنه موضوع حساس ومهم ومن الغريب جـــــــــــدا أنه مش بيثير فضول أي أعلامي أو صحفي في بلدنا ويتكلم فيه

والحوار كله النهاردة عن الهوية المصرية من خلال المظهر أو الأستايل بتاع البشر بتوعنا أو بالعربي كده مظاهر وطرق اللبس بتاعة الشعب المصري

بأختصار مش هقول غير إني عاوزك تركب بكرة الصبح أتوبيس 979 من فيصل وتنزل يا عم فى القصر العيني - الرحلة دي بالظبط هتاخد منك حوالى ساعة في الأتوبيس العظيم ده اللي بضرب بيه المثل كأكبر علبة سردين فى العالم - أصل على حد علمي أن الأتوبيس بتاعة هيئة النقل العام مينفعش ياخد أكتر من حوالى 60 بني أدم ولكن فى المعجزة اللي رقمها 979 هتلاقي الرقم ممكن يتجاوز 150 نفس بشرية

وطبعا الأتوبيس ده أرض خصبة جدا للموضوع بتاعي - لأني عاوزك زي الشاطر كده تقولي إيه اللي بيميز الشعب المصري كشعب عربي وشرقي عن باقي الدول من حيث المظهر؟؟

يعني فى الخليج هتلاقي الرجالة لابسين التـــــــــوب ( الجلابية ) والنسوان لابسة العبايات والشيلة طبعا - وفى السودان هتلاقي نفس الحوار بس النسوان لابسين حاجة كده ألوان كتير وبتتلف على جسمهم كده بس شكلها مميز ومعرفش اسمها إيه - ولو روحت المغرب هتلاقي طبعا لبسهم مميز بالقفطان والحوارات دي والعبايات المغربية - يعني تقريبا كل بلد عربي وشعبه مميز بأستايل معين وبيفخر بيه كمان - يعني تلاقي السعودي راكب عربية هـــــــــامر بس لابس التوب الأبيض والشماغ عليه أو الغترة وكل ده على شبشب وبالكتير جزمة جلد

إنما بقى تعالى نرجع لأتوبيسنا الحبيب 979 واللي بيمثل كافة طوائف الشعب المصري

هنركن الجماعة الأقباط على جنب عشان ميخصوناش في حاجة وهما مبسوطين كده بلبسهم اللي عفى عليه الزمن وبيعتبروا أن ليهم أستايل خاص ( اللبس المهلهل والشعر اللي مضروب ألوان ومش متغطي وكمان الصليب الدهب ) وطبعا تقدر تميز أي أخ أو أخت مسيحية من أستايله

أنما بقى تعالى نشوف باقي البشر في الأتوبيس - هتلاقي اللي مش مغطية شعرها - والمنقبة - واللي لابسة إيسدال - واللي لابسة عباية وشايفة نفسها - والمحجبة الروشة - والمحجبة الخنيقة اللي لابسة مقاس أكبر منها 3مرات - وهتلاقي المحجبة اللي مزحلقة الحجاب لحد قفاها - وهتلاقي الست الريفية أم جلابية زفرة - وأخيرا هتلاقي اللي لابسة خمار وكمان خمار لونه بـــــــــــــــــــرتقالي

بصراحة ده عصير كوكتيل مش مظهر شعب - يعني نفسي أفهم مين فيهم الصح وهو اللي بيمثل شعب مصر؟؟؟

وتعالى بقى نشوف الرجالة - هتلاقي راجل بجلابية وفاكر نفسه الشيخ زايد - وعندك عمنا الباكستاني اللي لابس بتاع عامل زي التونيك بتاع البنات على بنطلون كده - وتشوف الراجل أبو بدلة - وأبو أميص وبنطلون - وعندك الشباب الروشة اللي لبسها عبارة عن لوحة تشكبلية وكرنفال ملابس يا عيني

يعني هتلاقي أن ال150 بني أدم اللي فى الأتوبيس عبارة عن مزيج من الحضارات والشعوب بكافة الأنتماءات

هتقولي وأنتا زعلان ليه طالما أساسا أننا بنقول أن مصر مزيج من الحضارات وهي أصل كل الشعوب - هقولك زعلان عشان أزاي بنقول أنا مصري وأبن مصري وأبن مصر الله عليه؟؟؟

قولي إيه المميز في أبن مصر ولا حتى بنت مصر عشان تطلعهم من وسط باقي الشعوب؟؟

إحنا لولا اللغة العامية مش هنبقى مصريين

أنا تقريبا مكنتش موجود أيام الأحتلال الإنجليزي لكن أعرف أن الشعب كله بأختلاف طوائفه ومعتقداته كان مظهره وأستايله واحد

شوف كده فيلم قصر الشوق وهتلاقي أن كل الرجالة كانوا لابسين البدلة والطربوش - والنسوان لابسة الملاية اللف أو الملس وعليه الخمار أو النقاب

يعني في يوم من الأيام قدرنا كمصريين أنه يكون لينا شكل ومظهر واحد على مستوى الدولة كلها - أمال إيه اللي بيحصل اليومين دول؟؟

بصراحة أنا حاسس أننا هنبقى عاملين زي لبنان كده وهنكون طوائف وكل طائفة دلوقتى أختارت مظهرها ولبسها وحتى الإعلام بتاعها

هتلاقي المسيحيين عندهم قناة ساويرس - والمصريين القادمين من الخليج بيتفرجوا على قناة دبي وأقرأ - أما الجماعة بتوع الجمعية الشرعية بيتفرجوا على قناة النـــــــــاس

حتى الإعلام بقى بيكرس فكرة الطوائف والأختلاف وإنك لازم تتفرج على إعلام مختلف لإنك تستحق الإختلاف

بجد بجد الموضوع بقى يقرف وبضان جــــــــــــــــــــدا وأنا مش قادر أوصف خنقتي من الحاجات البسيطة دي اللي مفيش حد بتلفت نظره أو بيتكلم فيها - وإنما فالحين بس نتكلم عن إصدار قانون ضد التحرش الجنسي وكل بنت يشيلوا معاها صـــــــــــــاعق قوته مليون فولت بحيث أن لو شاب قل عقله وفكر يقولها يا قمـــــــــر تروح تصعقه بمليون فولت في بضانه وتقتله بموجب قانون التحرش

لما توحدوا لبسكم يا هايفة منك ليها أبقوا أتكلموا عن قانون التــــــــــــــــــــحرش ونبقى نعمل مشروع صاعق لكل بنت على غرار كومبيوتر لكل طالب

ويجعله عـــــامر يا شعب مصر

تحـــــديث : سقط سهوا من الحوار ده إني أقول أني مش ضد أي أستايل أو شكل معين من الأشكال اللي ذكرتها سابقا - يعني أنا لا بشجع النقاب ولا ضد الحجاب المزحلق - ولكن أتمنى نوصل لأستايل ومظهر شبه موحد وبيعبر عن الروح المصرية أولا والأسلامية ثانيا والعربية ثالثا ونبطل بقى البزراميط والكوكتيل الحمضان اللي إحنا فيه ده

إلا رســـــــــــــــول الله

الدانمــــــــــــــــــــاركيين دول عـــــــــــالم بـــــــضان فحت برضه - عشان مفيش ميثاق ولا عرف ولا أى بتنجان في تاريخ البشرية يسمح بمحاربة أمــــــــــــــــة بحالها في دينها وعقيدتها

مش هــــــــــقول غير حــــــــسبي الله ونعم الوكـــــــــيل

وسلملي على حـــــــــــرية الصحافة الأوروبية

ينفع في شتـــــــا أو صيف - هو إيــــه؟؟؟

الغناء الشعبي في أي بلد في العالم هو زي ما بيقولوا نبض الشعب وإنعكــــــاس لثقافة وهوية ذلك الشعب - لكن عندنا إحنا بالذات أصبح الغناء الشعبي رمــــــز البضان والبيئة والتخلف وكمان الجهل والأمــــــية
يعني ببساطة كده حبيت أعقد مقارنة بين الشعبيات عندنا والشعبيات عندهم ولقيت أن أبسط مثال وأسهله هو المطرب الشــــــــــــــعبي البريطاني (Eric Clapton)
الأخ إيريك راجل فنان بجد وعازف جيتار وكاتب أغاني ومن زمان وهو على أستايل الفن ده وليه جماهير على مستوى العالم لأن كلامه لا فيه إبتذال ولا بتاع ولا كسكسي ولا حتى عنب أو بــــــلح وكمان راجل زى ما بنقول سفير للنوايا الحسنة لأن من أخر أخباره أنه هيسافر كوريا الشمالية يعمل هناك حفلة وده دليل على أن الفن والطرب خصوصا رسالة سامية لترابط الشعوب بعيدا عن السياسة
أما بقى عندنــــــا فالأخ شعبولا وابنه والباشا بعــــــرور وسعد بيه الصغير وصلوا بالأغنية الشعبية لقمة أو ممكن نقول لقاع الإبتذال والوقاحة والبيئة بجد - ده واحد بيغني للكسكسي والناس فاهمة هو يقصد إيه وبالرغم من كده لا رقابة عليه ولا يحزنون - طب ناقص بعد كده يغنوا عن إيه - عن واحدة داخلة الحمام ولا واحد عنده إسهال؟؟
الطرب الشعبي عندنا بقى رمز للأفراح الشعبية للطبقات الواطية وللحشاشين في الغرز والجماعة بتوع المهن الحرة والمساجين وسواقين التوك توك والميكروباص - بإختصار بقى يعبر عن فئة تتميز عن باقى أفراد الشعب بالجهل وقلة الزوق وكمان إنعدام الإحساس الفني بالرغم من إن نفس الفئة دي كانت موجودة أيام أم كلثوم وعبد الحليم ونجاة وعبد الوهاب وكان الشعب كله بيتجمع أدام الراديو بأختلاف طبقاته عشان يسمع الســـــــت وهي بتشدو بأجمل أغانيها اللي كانت ومازالت عايشة جوه كل مصري فينا
لكن عندهم الطرب الشعبي حاجة تانية خالص ومختلفة بجد - حتى مطربين الراب اللي بيشتموا في أغانيهم ليهم رسالة وصوت وجماهير مثقفة فاهمة فنهم ده وإيه رسالته - مش هما غاويين يعني قلة أدب على الفاضي والمليان يعني
إنما حد يقدر يقولي إيه التذوق الفني في (في لحـــم تاكله ..في لحم يــــاكلك ..لك لك لك لك) للأستاذ عماد بعرور؟؟
الواحد والله أتبضن من كل حاجة ومبقاش في حاجة كويسة نتكلم عنها - حتى الطرب بقى بــــــــــضان
وحسبي الله ونعم الوكـــــــــــــــيل

إســـتبضان وإستغــــــلال

قبل ما أبدأ في تنفيذ فكرة المدونة دي كان في حوار كده غريب جـــــــــــــدا كان ومازال بيخنقني مـــــوت لأنه بضين فحت بجد وأعتقد أنه نادرا لو حد فكر في الحوار اللي هقوله بنفس الأسلوب اللي أنا تعرضت بيه للموضوع ده
وعشان مطولش عليكم ولا أبضنكم أكتر فالموضوع يتمثل في الإبتذال والأستغلال البضين اللي زاد عن حـــده للجنس الناعم أو (المـــرأة) تجــــــــاريا وترويجيا
طبعا كتير هيقولوا أنتا جاي دلوقتي تدافع عن المرأة وإنتا اساسا مبهدلها فى أول وتاني بوست؟؟
هقوله لا أنا دلوقتي مش بدافع عن المرأة ولكن أتبضنت من الأستغلال التجاري الفاحش لكل ما يحمل صفة أنثى - طبعا لسه الفكرة مش واضحة لكن هوضحها بالتدريج
دلوقتي عاوزك مثلا تدخل المطبخ بتاعكم وتدعبس فيه شوية عن أكياس المكرونة والرز والسكر وأزايز الزيت وخلافه وكمان ياريت تدخل على التلاجة تبص فيها بصة صغيرة كده وهتلاحظ بعد كل ده قصدي من الموضوع وهو الأتي يا عم
هتلاحظ أنه ع الأقل بنسبة 95% من المنتجات اللي في مطبخكم وتلاجتكم تحمل أسم أو صورة كائن حي جنسه (أنثى) أو (Female)
وعشان متتعبش نفسك أنا هقولك على حاجة تضحكك مــــوت وهى إنك هتلاقي أن كل المنتجات دي تحمل أسم بنات وأسامي صريحة زي (سكر الشيماء - أرز الضحى - زيت حلوة - مكرونة الملكة - سمنة الهانم - إلخ إلخ...)
طبعا ممكن واحد فلحوص يقولي إن انا مزعل نفسي ليه لما كل المنتجات دي تخص المطبخ والطعام وأكيد اللي بتشتريها أو بتستعملها أنثى برضه - هقوله أصل البداية من المطبخ عشان تفهم باقي الموضوع لأن المطبخ أسهل مكان تفهم منه الحوار ده
لكن لو بحثت أكتر هتلاقي أن المشكلة مش في وجود أسم أنثى أو صورتها على المنتج - ولكن المصيبة أن حتى الترويج للمنتج مش بينفع إلا بالبنات المزز الحلوين كمان - يعني هتلاقي أن الإعلانات على التليفزيون بنسبة 85% تعتمد أساسا على البنات المزز الدلوعة مـــــــــوت ونادرا لما تلاقي إعلان لمنتج ناجح وبيعتمد على الراجل أو الذكر في الترويج ليه (زى إعلانات إتصالات أوبشنز مع أحمد مكي) - ولكن الغالبية العظمى لازم تعتمد على النسوان فى الترويج حتى في منتجات العناية بالرجل زى (جيليت - لا كوست - هير كود - وكل منتجات العناية بالرجل) وبتلاقي واحدة مزة لابسة قصير ومتشعبطة فى الراجل من دول وهو بيحلق دقنه المحلوقة اساسا وكأنها يعني عمرها ما شافت رجالة قبل كده - وده دليل على جاذبية البيه اللي هيستعمل المنتج ده لو أشتراه - قال يعني مش هينفع يشتريه لو الراجل اللي في الأعلان حلق دقنه وبص فى المرايا وقال لنفسه يا واد يا جـــــــــامد وخلص الإعلان على كده
ووصل الموضوع مداه لدرجة أن حتى المنتجات اللي إنتا أشتريتها فعلا برضه تحتوي على مزز ووجع قلب - حتى في الأتصالات بتلاقي الكتالوج بتاع الموبايل أو الجهاز أو خــــــط الموبايل نفسه كله بنات بتضحك وتهرج وتتنطط وشعرها طاير وكأنك أشتريت قرية سياحية مش مجرد موبايل ولا خط تليفون
ممكن حد يقول أن الترويج بيعتمد على الإبهار البصري وعشان كده بيحطوا مزز في الإعلانات - طب يا بضان ليه حتى الإعلانات على الراديو بصوت بنات فى قمة الوساخة وقلة الأدب وأصوات أقسم بالله أن أى راجل متجوز مش بيسمع مراته بالصوت الناعم ده ولا الطريقة اللي بتكون فيها البت منهم على الراديو - هتقولي أن أم الترويج كمان لازم يكون فيه إبهار سمعي بصوت واحدة دلوعة؟؟؟؟
في إعلانات كتير جدا نجحت وبقت علامة بارزة في ذاكرة شباب وناس كتير من جيلنا والأجيال اللي قبلنا وكانت الإعلانات دي لا تعتمد أساسا على البنات - زى على سبيل المثال وليس الحصر (إعلان موبليا عبد الرحيم عمرو اللى كان بالكارتون والراجل الأصلع اللي شبه حسن حسني بيقول للواد أبو نضارة ما تتجوز والتاني بيرد عليه ويقول أجيب جهازى منين ؟؟ وفي الأخر قعدوا يغنوا أحتكم الأمر من عبد الرحيم عمرو وهتجوز يا جماعة - والإعلان ده كان فكرة المبدع طارق نور اللي خاب بعد كده وبقت أعلاناته كلها مزز)وكمان عندك مثلا (إعلانات بيبسي بتاعة كأس الأمم اللي فاتت لما كان الراجل بيقول : ياترى وراهم مين؟؟)
المــــــوضوع بجد بقى بضان فشخ وأن أتفقعت مرارتي منه بجد لأن خلاص المجتمع بقى يعتمد على الأنثى في كل شىء حتى في التجارة والترويج - طب يا ناس يا بضان ماهو في منتجات كتير جدا ماشية زي الفل بدون الأعتماد على أى مزة أساسا - يعني مثلا دولة زى السعودية مش هتلاقي العك بتاعنا في منتجاتهم - الأعلانات كلها حيوانات وأطفال ونسوان محجبة عمالة تشرب ولادها عصير تــــــــانج - وكمان أسامي المنتجات مؤدبة كده ولذيذة
يعني أنا أفتكر أن في حاجات شغالة هناك زي الحريقة مع أن لا أسمها أسم أنثى أو عليها صور والبضان ده زى (جبنة أبو ولد - كيري - زيت مازولا - الجوال - أندومي) تقريبا معظم منتجاتهم تخلو تماما من أى صفة أنثوية وبالرغم من كده الحاجة بتتباع والأقتصاد مزدهر وزى الفل - يعني هو لازم العربية الكامري هناك يتروج ليها ببنات مزز خليجيات عشان تتباع؟؟ طبعا كله شغال زي الفل بدون النسوان مع العلم أن نسوانهم بقى وشهادة أتحاسب عليها يوم الدين يضربوا نسوان بلدنا بالصرمة الأديمة
وعاوزك تفتح برضه كتالوج اي خط جوال عندهم ولو لقيت صورة اساسا ابقى قابلني - وبالرغم من كده سوق الأتصالات عندهم أحسن من عندنا خمسين مرة
معنى كده أن الترويج مش شرط يعتمد على المرأة بالصورة البضان المبتذلة دي فى بلدنا - وأن المنتج الناجح بيتروج على أساس السمعة مش على أساس مزة شقرة ولابسة أميص نوم على علبة كريم الشعر - ولا على أساس أي هانم بتستحمى وخارجة بالبشكير عشان سخان العــــــــــمر يتباع
ياترى هيجي يوم نلاقي في حاجات بيتروج ليها وتتباع بدون أستغلال المرأة ولا هنفضل بضان ومتخلفين طول عمرنا وقال إحنا أول ناس بننادي بحرية المرأة قال
وطبعا الموضوع لسه أكبر من كده بس أنا مش عاوز أبضن أكتر ما الموضوع بضين خلقة - يعني لو دخلت في أستغلال المرأة إعلاميا يبقى مش هنخلص وهحتاج بلوج بحاله للموضوع ده لوحده - أبسط حاجة أن مفيش أي قناة تليفزيونية عربية تخلو من المذيعات وإن المذيعين الرجالة تقتصر وظيفتهم على نشرات الأخبار وبرامج الرياضة وشكرا على كده
حتى الترويج للقناة نفسها يعتمد بشكل كامل على المزز زي (بوبي) بتاعة ميلودي ولا المزز بتوع قناة زووم وغيرهم وغيرهم
أنا أتبــــــــــــــــضنت خلاص وكفاية كتابة فى الموضوع ده

البضان أنــــــــــــــــــــواع برضه

فجأة طقت في دماغي مقارنة عجيبة بين تجربتين مختلفتين في كيفية معالجة بضان المجتمعات المختلفة - ولو أتكلمنا عن المعالجة في حد ذاتها هنلاقي إن الإعلام عليه أكبر جزء في كيفية خلق أو حتى علاج أى مشكلة
ولو أتكلمنا عن مشكلة البضان اللي هي أساس كلامنا في البلوج ده حبيت أقارن بين تجربتين مختلفتين تماما شكلا ومضمونا في كيفية تقديم حوار بضان ومعالجته وكمان إزاي تخرج منه مبسوط
أول تجربة هي تجربة أمريكية طبعا ورائدة جــــــــــدا وأنا من أكتر المعجبين مــــــــــــــــوت بيها وهي مسلسل الأنيميشن أو الكارتون
(Family Guy)
المسلسل ده ببساطة بيعرض اساسا على شبكة فوكس اللي هي المنتجة ليه أساسا - وطبعا تخيل كام شخص فى العالم بيتفرج على قنوات فوكس الأمريكية - يعني أعلى نسبة مشاهدة في العالم وبيتكلم عن رب الأسرة البضان وعيلته البضينة جدا وغريبة الأطوار من أول وهلة - لكن لما تتفرج على المسلسل تندهش أن البضان ده اللي أدامك هو أظرف شخصية على وجه الأرض - وأن ممكن جدا الشخص البضان يبقى عنصر كـــــــــول خالص في المجتمع ويعمل إنجازات رهيبة وكمان تنبسط منه جــــــــدا وتستغرب أن الشخصيات دي قدرت بقدرة قادر إنها تتحول من شخصيات بضينة وعالة على المجتمع لشخصيات ظريفة جدا وكوميدية بطريقة تفطسك من الضحك
بمعنى أخر أن حتى الناس البضان عندهم سهل جدا جدا يكونوا عناصر مفيدة وعقلها متفتح ويجي منها من الأخر
أما التجربة التانية اللي كل حبايبي المبضونين عارفينها هي مسلسل (بــــــــــــكار) ذلك الفتى النوبي الأسمر أبو كـــف رقيق وصغير
أتحدى اى واحد في مصر يقول أن بكار ده مش أبضن شخصية كارتونية على وجه البسيطة!!! أنا بجد أكتر واحد شكرت ربنا أن منى أبو النصر ماتت عشان مشروع بكار يموت معاها
بكار ماهو إلا معالجة لشخصية بـــــــــضان نيك - حد يقدر يقولي هو في كام طفل نوبي أساسا في مصر عشان يفرضوا على الشعب المصري كله هذا الكف الرقيق ويكون قدوة لأطفال مصر من أليكس لحلايب وشلاتين؟؟- ولكن المعالجة فشلت وتحول بكار إلى بيضة كبيرة نيـــــــــــك وبقت أبضن شخصية تحمل الجنسية المصرية
أنا مش عاوز أرغي كتير ولكن أنا حبيت بس أعرض أن مجتمعنا بضان بجد وبنكرس في شخصيات ولادنا وشعبنا كيف تكون بضان وشخص خنــــــيق - وأن المجتمعات التانية بتعرض البضان في أطار كوميدي ساخر عشان تضرب أكتر من مليون عصفور بمسلسل
على الأقل كفاية إنك لما تتفرج على المسلسل ده وتكركر من الضحك هتخلي بالك من أنه يحصلك نفس الموقف اللي فى المسلسل
وعليه العوض في العلاج يا جــــــــــدعان وهنفضل بضان الأمم كلها ليوم الدين

أهـــــرب يا حــــضري

نفسي حد يقولي هو ليه في ناس حظها قليل كده في الدنيا؟؟

يعني ليه حظ الحضري بضان كده مع 80 مليون مصري وبيعتبروه دلوقتي الخائن الأعظم وعدو مصر الأول واللي حط راسنا في الطين وجابلنا العـــــــــار وإنتقاله للنادي السويسري بــــــــــــــاطل بــــــــــاطل؟؟

محدش متصور أد إيه أنا مبضون بجد من أزمة عصام الحضري والهوجة الإعلامية على الراجل الغلبان ده اللي من وجهة نظري مش شايف أنه أجرم في شيء أو أرتكب فعل يستحق القــصاص منه

بغض النظر عن إني أهلاوي ولا زملكاوي وبغض النظر عن إن الحضري كان غلطان في أنه سافر كده فجأة أو مش غلطان - لكن ليه البضان ده اللي بشوفه وكأن الحضري كان جاسوس وعميل عايش وسطنا ومكنش حد حاسس بيه؟؟

قمة البضان اللي بجد يومها لعنت أم المجتمع الشرموط ده هو لما قناة مودرن ســــبورت وتحديدا في برنامج (هنا القاهرة) بتاع علاء صادق نشروا بيان - أي والله بيان وعريضة - تدين هروب الحضري وتحمله المسؤلية وكمان أنه بقى خاين ويا سلام على المواعظ والحكم اللي في العريضة والأمثال الشعبية (وأرجع يا حضري أحسنلك وهنسامحك وكأنه عيل هربان وخايف يرجع أحسن ماما وبابا يضربوه) والبضان اللي كان بصوت واحدة مذيعة من مذيعات مودرن

بجد بجد مكنتش مصدق نفسي ولا مصدق اللي أنا بشوفه - أنا مش جاي أقول حلال ولا حرام ولا صح ولا غلط - لكن إيه البضـــــــــان ده يا عالم؟؟؟

لاعب كورة بغض النظر عن تاريخه ساب فريقه ومتحمل الشرط الجزائي وخلاص تسريح بإحسان - إيه اللي الراجل أجرم فيه يا بضان؟؟؟

وللأسف لو كانت عريضة الإتهام نزلت على اليوتيـــوب كنت حطيتها هنا عشان تتبضنوا معايا ولكن الظاهر إن الكل مبضون ومفيش حد مستحمل يرفعها على اليوتيوب أساسا

ربنا معاك يا حـــــــضري ويوفقك ويحميك من الهجوم البضين ده عليك قادر يا كـــريم

بضـــان بالصـــور كمان

مـــــجموعة بضينة جــــــــــــــدا من الصـــور اللي أتخصيت جدا منها من على موقع (يبقى إنتا أكيد ف مصر) وقولت أبــــضنكم معايا بيهـــا